MYO-UK SUAM THU

Att : Vum kho Tual.

 

                                (The Siyin-Ngun ngal Rebellion - 1892-93)

    Myo-uk Suam thu taw kizom-in, tua hun lai tak ih Sizang sung, ih om-dan, ih ngamtat zia, ih khua ih tui ii, omzia ih heak, ih tel phot kul a hi ciang, tua hun ih thu (historical back ground) taw hong pan tong. !889 February tha aa, Mikang te ih, Khuasak khua hong siim ah ki pan tha-thum sung, May tha ciangin ih Sizang khua-lii (Lophei omngawl) ama-te khut nuai ki theng hi. Hong siim-thap, mah-sah-sa, khua te-sia, ih nusiat, ih tai-ma in, ei mah, ma in ki haltham siat aa, ngal-taai ci-in, lo sung, duisung, le khuaziat, khua-vei ih taai thei, ih belh thei na po ki beal in, ih bee ih ngui pui te taw, ki the-thak ka kuai hi.

    Carey leh Tuck ih aa, na bang hi le, tua hun lai-in, ih Sizang mi sia, Khuasak (Thatlang) pu te: Montok,Shwimpi (Suangpi); Koset (Khuasak) Nashwin ( ? ), Pimpi, Laibon - Thuklai Pu-te sia, Pomba (Pumva), Shark ( ? ), Yo (Zo), Thangnuai, Phunom, Zung: Pu Tuanuam te; Buanman, Leisan, Ngalpi, Tartan (Taitan or Siallum), Pu Limkhai te Sakhiling (Khuanuai,Mualzang, Vonghawi), khua tam mah ma, mun tam mah ma, ah ih ki the-thak lai tak hi. Tasia hun lai-in Mikang te sazian bang hi-le, inn 472 bnaqg ki pha hi tuak hi. Ei-ma Sizang babek hi ngawl tha tu hi.

    Mikang te in, ih Sizang khuateeng, hong lak zawk ciang, ih khuaziat ih khua vei te zong, siim in, a-ma-te khut nuai hong koi aa, Tedim khua le a khua pam khua no teeng, hong zaw, hong-lak zawk ciang, tuuk (ngua tui) sung taw ki si, a-hi-kom, ngunngal khua te laak tu hun pha, nguatui kaan tu ngak hi. Ngun tui, kaan taan na tu lei pha om ngawl; khau taw ki vawt lei bek, om hi tuak hi. Tua hun laitak-in, tu hun bangma in, Kaptel khua sia, inn tam bel khua a hi bek dom ngawl -in, inn ki be lalap aa, 1892 kum in inn 200 val bang phazo hi tuak hi.Khua hausa seam sia Sukteh te Pu Thuam Thawng hi. A ma a kum tam, khang-ham mah ma zo, a thaa kiam zo a hi ciang, nga-taang-se (THU LE LAA) bek taw vai-hawm zo laai bek hi. Ah ma sia Tashon khua Pu Tson Bik bang ma in, min-nei, minthang hi. Tha-taang zak-na, ngal-lam-pui tusia, a tapa lianbel, Pu Pau Dal in ma-kai, lam-pui hi.

    Myo-uk suam,ngal-phuak le a-ma-kai sia Pu Thuam Thawng hi. Mikang kumpii ih, ngunlaang khua, khat zawk te khat hong-laak a mu ciang ni khat nih ciang, ngun-ngal zong hong siim, hong kapva-ve tu ci sia mu khol in, Mikang te hong siimma-in, Khamtung ngambup pawl tu, kai khawm in siim leang,  a vai hawm, a ma-kai, political officer te le, a kam-phen teeng that leeng, a ngal kap te nguak in ah cii, ah law, he ngawltu,cii ngai sut na taw Mikang te kaa tu sawm hi. Mikang te Sakhan Bocung khua zong Pu Thuam Thawng in, ngalnguk taw siim bul aa, ngalkap thau le ngal zong that bul hi tuak hi. Mesan ah cii Myo-uk Tun Win ih na-seam-pa zong that hi. Carey le Tu ck ih cii na pan (P.81-82; Vol. I ) "The Chin Hills"  ......" The old Chief (Thuam Thawng) realized that the murder of Mesan and the attack on Bocung would not pass unpunished, and he therefore convened several councils to discuss the action which he should take. Kaikam the son of Kuppow, of Siyin was notorious for his love of raiding and warfare and Thum Tong induced him to go to Kaptyal to attend his meetings.He had but small difficulties in persuading him that the Government intended to disarm all the Chins piecemeal and that the Ngwenals would be dealt with first and the Siyins. He explained if the surrounding tribes but would be combined, there should be no difficultyin driving the troops from the hills ...Kai Kam and Twum Tong took an oath to each other and to attack the troops. It was decided not to commence...until the crops were gathered; this also would give the time to win over the surrounding tribes to join the cause. Kai Kam and Twum Tong decided that, the first step to take was to remove the Political Officers, the Myook, and the interpreters, so that there should be none left to guide and advise the troops. Hong zom tato topng.

        Pu Pau Dal le Pu Khai Kam te nii in a ma te san tek pan in, pawl le lawm tu, kaikhawm, a hi hang ama te ngaisut za in, khua ma lawp kim ngawl hi.